2013 පෙබරවාරි මස 1 දින විද්‍යා, තාක්ෂණ  සහ නවෝත්පාදන පිලිබඳ සම්බන්ධිකරණ ලේකම් කාර්යාලය පිහිටවනු ලැබුයේ ශ්‍රී ලංකාවෙහි විද්‍යා, තාක්ෂණ සහ නවෝත්පාදන ක්‍රියාකාරකම් සම්බන්ධිකරණය සහ නියාමනය කිරීමේ විශේෂිත ඉලක්කය ඇතිව, 2011 සැප්තැම්බර් මස 9 වන දින අමාත්‍ය මණ්ඩලයෙන් ලද අනුමැතියෙන් යුතුවය. මෙම ලේකම් කාර්යාලය 2010 අගෝස්තු මාසයේදී අමාත්‍ය මණ්ඩල අනුමැතිය ලැබූ ජාතික විද්‍යා, තාක්ෂණ සහ නවෝත්පාදන ක්‍රමෝපායට අනුව, අගය වැඩිකිරීමේ සහ වාණිජකරණය ප්‍රවර්ධනය සඳහාද කටයුතු කරනු ලැබේ.